Тоҷикӣ
Русский
English
ВАЗОРАТИ РУШДИ ИҚТИСОД ВА САВДОИ ҶУМҲУРИИ ТОҶИКИСТОН
МД «ПАЖӮҲИШГОҲИ ИЛМИЮ ТАҲҚИҚОТИИ ИҚТИСОДӢ»
МАКТУБИ ИТТИЛООТӢ
МД «Пажӯҳишгоҳи илмию таҳқиқотии иқтисодии Вазорати рушди иқтисод ва савдои Ҷумҳурии Тоҷикистон 17-уми феврали соли 2026 семинари илмӣ-амалиро дар мавзуи «Зеҳни сунъӣ ва имкониятҳои истифодаи он дар иқтисодиёт» доир менамояд.
Ба семинар кормандони вазорату идораҳои давлатӣ (Вазорати рушди иқтисод ва савдои ҶТ, Агентии инноватсия ва технологияҳои рақамии назди Президенти Ҷумҳурии Тоҷикистон, Вазорати саноат ва технологияҳои нави Ҷумҳурии Тоҷикистон, Вазорати маориф ва илми Ҷумҳурии Тоҷикистон, Комиссияи олии аттестатсионии назди Президенти Ҷумҳурии Тоҷикистон, Корхонаи воҳиди давлатии «Шаҳри ҳушманд (Smart city)»-и мақомоти иҷроияи ҳокимияти давлатии шаҳри Душанбе), Маркази таҳқиқоти сотсиологии «Зеркало», ҶДММ «Таҳлил ва машварат», экспертони соҳаҳои иқтисодиёт ва технологияҳои рақамӣ, намояндагони муассисаҳои таҳсилоти олии касбӣ, аспирантон ва олимони ҷавон даъват карда мешаванд.
Ҳадафи чорабинӣ - баррасии имкониятҳои татбиқи технологияҳои зеҳни сунъӣ дар иқтисодиёт ва таҳияи тавсияҳои илмӣ оид ба ҷорӣ намудани онҳо.
Дар семинар масъалаҳои зерин мавриди муҳокима қарор мегиранд:
- зеҳни сунъӣ дар раванди таҳлили макроиқтисодӣ ва дурнамо;
- истифодаи усулҳои зеҳнии таҳлили додаҳо;
- таҳлили додаҳои калон дар иқтисодиёт;
- арзёбии хавфҳои молиявӣ ва қарзӣ бо истифодаи зеҳни сунъӣ;
- ошкор ва пешгирӣ намудани амалиётҳои қаллобӣ;
- дурнамои талабот ва идораи занҷири таҳвил;
- автоматикунонии қарорҳои идоракунӣ;
- истифодаи зеҳни сунъӣ дар банақшагирии буҷа ва андоз;
- низоми таҳлилии дастгирии қабули қарорҳои идоракунӣ;
- баланд бардоштани самаранокии танзими давлатӣ;
- таъсири зеҳни сунъӣ ба бозори меҳнат ва шуғли аҳолӣ;
- ҷанбаҳои ахлоқӣ ва ҳуқуқии истифодаи зеҳни сунъӣ;
- масъалаи шаффофият ва боварӣ ба алгоритмҳо;
- ҳифзи додаҳо ва таъмини бехатарии иттилоотӣ;
Забони семинар: тоҷикӣ, русӣ ва англисӣ.
Шахси масъул: Саторова Индира Исломовна.
Тел.: 938-08-96-06.
Е – mail: indira.tj@bk.ru).
Суроғаи мо: ш. Душанбе, кӯчаи Айнӣ 14А, бинои МД «Маркази миллии патенту иттилоот» - и Вазорати рушди иқтисод ва савдои Ҷумҳурии Тоҷикистон, ошёнаи 4 - ум.
КУМИТАИ ТАДОРУКОТ
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
