Тоҷикӣ
Русский
English
7 сентябри соли 2026 дар Вазорати рушди иқтисод ва савдои Ҷумҳурии Тоҷикистон бахшида ба таҷлили 35-солагии Истиқлоли давлатии Ҷумҳурии Тоҷикистон — санаи муҳими таърихӣ ва муқаддаси давлатдории миллӣ, ҷамъомади тантанавӣ бо иштироки намояндагони воломақоми мақомоти давлатӣ баргузор гардид, ки дар кори он Ёрдамчии Президенти Ҷумҳурии Тоҷикистон оид ба масъалаҳои иқтисодӣ Ҳикматуллозода Неъматулло, Вазири рушди иқтисод ва савдои Ҷумҳурии Тоҷикистон Абдураҳмонзода Абдураҳмон Сафаралӣ ва Раиси Кумитаи иҷроияи Ҳизби Халқии Демократии Тоҷикистон дар ноҳияи Исмоили Сомонӣ Қурбонзода Убайдулло Маҳмадалӣ суханронӣ намуданд.
Ҷамъомади тантанавӣ бо сухани ифтитоҳии Вазири рушди иқтисод ва савдои Ҷумҳурии Тоҷикистон Абдураҳмонзода Абдураҳмон Сафаралӣ оғоз гардида, мавсуф кормандони Вазорат ва сохторҳои зертобеи онро ба муносибати 35-умин солгарди Истиқлоли давлатии Ҷумҳурии Тоҷикистон самимона табрику таҳният намуд.
Дар суханронии хеш Вазири рушди иқтисод ва савдо аҳамияти таърихию сиёсии Истиқлоли давлатиро ҳамчун неъмати бебаҳо, дастоварди бузурги таърихӣ ва пояи устувори давлатдории миллӣ арзёбӣ намуда, нақши созандаи онро дар таҳкими пояҳои давлатдорӣ, таъмини рушди устувори иқтисодию иҷтимоӣ, баланд бардоштани сатҳу сифати зиндагии аҳолӣ ва таҳкими мавқеи Ҷумҳурии Тоҷикистони соҳибистиқлолро дар арсаи байналмилалӣ таъкид кард.
Ёрдамчии Президенти Ҷумҳурии Тоҷикистон оид ба масъалаҳои иқтисодӣ Ҳикматуллозода Неъматулло роҳбарият ва кормандони дастгоҳи марказӣ ва сохторҳои зертобеи Вазоратро ба муносибати 35-умин солгарди Истиқлоли давлатии Ҷумҳурии Тоҷикистон самимона табрику таҳният гуфта, ба онҳо дар роҳи иҷрои рисолати пурмасъулияти хизмати давлатӣ, татбиқи ҳадафҳои созандаи давлат ва саҳмгузорӣ дар рушди устувори иқтисодии мамлакат комёбиҳои рӯзафзун орзу намуд. Инчунин ба як қатор кормандони Вазорат, мукофотҳои давлатӣ, ки Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои фаъолияти самаранок дар хизмати давлатӣ, ба муносибати ҷашни 35-умин солгарди Истиқлоли давлатии Ҷумҳурии Тоҷикистон, сарфароз гардонида шуданд, тақдим намуд.
Дар идомаи чорабинӣ ба як қатор кормандони Вазорат ва сохторҳои зертобеи он барои фаъолияти содиқонаю самаранок, ки дар пешбурди фаъолияти соҳа саҳми арзанда доштанд, бо Ифтихорномаҳои Вазорати рушди иқтисод ва савдои Ҷумҳурии Тоҷикистон ва Кумитаи иҷроияи Ҳизби Халқии Демократии Тоҷикистон дар ноҳияи Исмоили Сомонӣ дар фазои тантанавӣ тақдим гардида, хизматҳои шоистаи онҳо қадрдонӣ карда шуданд.
Аз ҷумла бо Ифтихорномаи Вазорат қадрдонӣ гардидани директори МД “Пажӯҳишгоҳи илмию таҳқиқотии иқтисодии Вазорати рушди иқтисод ва савдои Ҷумҳурии Тоҷикистон” муҳтарам Зайниддинзода Саидмурод Ҷумъамурод нишони эътирофи хизматҳои шоиста ва саҳми арзанда дар рушди соҳа мебошад. Ин қадрдонӣ заҳматҳои содиқона ва фаъолияти самаранокро арзёбӣ намуда, барои дастовардҳои нави созанда заминаи тоза фароҳам меорад.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
