Тоҷикӣ
Русский
English
28-уми октябри соли 2025 дар сафоратхонаи Шоҳигарии Арабистони Саудӣ дар шаҳри Душанбе мулоқоти сафири Фавқуллода ва Мухтори Шоҳигарии Арабистони Саудӣ дар Ҷумҳурии Тоҷикистон Валид ибни Абдураҳмон Ал-Решайдон бо директори Муассисаи давлатии «Пажӯҳишгоҳи илмию таҳқиқотии иқтисодии Вазорати рушди иқтисод ва савдои Ҷумҳурии Тоҷикистон» Зайниддинзода С. Ҷ. баргузор гардид. Зимни вохӯрӣ ҷонибҳо масъалаҳои вобаста ба таҳкими ҳамкориҳои тарафайн дар самти корҳои илмию таҳқиқотиро мавриди баррасӣ қарор доданд.
Муҳатарм Валид ибни Абдураҳмон Ал-Решайдон таъкид доштанд, ки Шоҳигарии Арабистони Саудӣ ҳамеша омода аст, ки кумаки амалии худро ҷиҳати таҳкими робитаҳои илмии ҳарду кишвар расонад.
Директори пажӯҳишгоҳ Зайниддинзода С. Ҷ. қайд карданд, ки мо метавонем дар доираи имконияти ҷойдошта робитаҳои мутақобилан судмандро байни пажӯҳишгоҳҳои илмию таҳқиқотии ҳарду кишвар ба роҳ монем.
Ҳамин тариқ, дар анҷоми гуфтушунид ҷонибҳо ба мувофиқа омаданд, ки дар кӯтоҳтарин муддат нақшаи корҳоро вобаста ба масъалаи дар боло зикргардида омода намуда, онро мавриди амал қарор медиҳанд.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
