Тоҷикӣ
Русский
English
14 ноябри соли 2025 ба муносибати Рӯзи Президенти Ҷумҳурии Тоҷикистон, дар Пажӯҳишгоҳи илмию таҳқиқотии иқтисодӣ ҷамъомади тантанавии кормандон баргузор гардид. Дар ҷамъомад ҳайати роҳбарият, олимон, муҳаққиқон ва кормандони воҳидҳои сохтории Пажӯҳишгоҳ ҳузур доштанд.
Ҷамъомадро директори Пажӯҳишгоҳ Зайниддинзода С.Ҷ. ифтитоҳ намуда, дар суханронии худ нақши муассири Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро дар таҳкими давлатдорӣ, рушди устувори иқтисоди миллӣ, таъмини суботи иҷтимоӣ - сиёсӣ ва боло бурдани нуфузи байналмилалии кишвар таъкид намуда, иброз доштанд, ки сиёсати хирадмандона ва стратегии Сарвари давлат заминаҳои устувор барои рушди илм, таҳқиқот ва ҷалби кадрҳои ҷавони соҳибмаърифат шароити мусоид фароҳам овардааст.
Дар идомаи ҷамъомад кормандони Пажӯҳишгоҳ андешаҳои худро оид ба аҳамияти Рӯзи Президенти Ҷумҳурии Тоҷикистон ҳамчун ҷашни эҳтиром ба давлатдорӣ, ваҳдати миллӣ ва суботи иқтисодиву иҷтимоӣ баён намуданд.
Дар анҷом, роҳбарияти Пажӯҳишгоҳ таъкид кард, ки ҳайати илмӣ – таҳқиқотӣ минбаъд низ фаъолияти илмии босамарро идома дода, барои рушди иқтисоди миллӣ ва татбиқи ҳадафҳои стратегӣ саҳми шоиста хоҳад гузошт.
Ҷамъомад бо таҳкими эҳсоси масъулиятшиносӣ ва арҷгузорӣ ба арзишҳои давлатӣ анҷом ёфт.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
